التسويق العكسي
سمعتوا عن التسويق العكسي!؟
عندنا مثل مشهور يقول ( كل ممنوع مرغوب ⚠️)
طيب وش علاقة هالمثل بالتسويق وهل فعلًا كل ممنوع مرغوب ؟
التسويق العكسي (Demarketing)
نفس الحكاية مثلًا لما كنا صغار أي شي ممنوع يكون عندنا فضول نجربه بعكس الشيء المتاح يعني التسويق العكسي يقوم على مبدأ كيف اخلي الأشخاص يبحثون عن منتجاتي بدال ما أقنعهم يشترون من عندي مثل الطرق التقليدية المألوفة...
فالتسويق العكسي ببساطة مستمد من علم النفس العكسي 🔁 ويقول :( اذا أردت أن يفعل الناس شيئًا فطالبهم الأ يفعلوه )فيكون عند الشخص مشاعر سلبية يرفض فيها الاقتناع ويسوي العكس
فالعميل هو الي يجينا ويبحث عننا بنفسه ونستخدمه عشان نتحكم في سلوك الفئة المستهدفة وتحديد اختياراتهم وطريقة وصولهم إلى المنتج أو تقليل الطلب لما يكون العرض أقل، ونستعمل فيها المزيج التسويقي لكن بطريقة عكسية بحيث أننا نرفع الأسعار، أو نسحب المنتج ، أو نقلل مصاريف الترويج
وأحد الطرق اللي تستخدمها الهيئة العامة للغذاء والدواء لزيادة توعية المجتمع والتقليل من استهلاك المنتج لأسباب صحية التوعية عن أضرار التدخين على علب الدخان 🚬
وأيضا في الجمعة البيضاء لعام 2011 في صحيفة نيويورك تايمز، نشرت شركة باتاغونيا العالمية المصنعة للملابس الصديقة للبيئة إعلان جاكيت صوف من الأكثر مبيعا للشركة تحت عنوان عريض
⛔️لا تشتري هذه السترة⛔️
وتحت الصورة كتبت تفاصيل لمبادرة إجتماعية ، توضح فيها مصداقيتها ومدى إهتمامها بالبيئة وبمصلحة المستهلك، وايضًا وضحت تفاصيل التكلفة اللي تتحملها البيئة لإنتاج الجاكيت الواحد فقط، وكانت 36 جالون ماء (وهو ما يكفي لتلبية الاحتياجات اليومية لـ 45 شخصًا) ♻️و 20 رطل من إنبعثات ثاني أكسيد الكربون، وكمية نفايات ناتجة تعادل ثلثا وزن الجاكيت.
يعني لو قلنا لا تشتري هذا الجاكيت !
نخلي الشخص اللي يقرأ الإعلان يتحمس ويجيه فضول يعرف وش السبب من التحذير ويخليه يشتري هذا المنتج ويجربه
الشركة في هذه الحملة سلطت الضوء على منتجاتها الصديقة للبيئة ♻️وعززت مكانتها ووعّت المستهلك ودفعته بطريقة غير مباشرة للمقارنة مع منتجات الشركات الثانية، لتحفيز المستهلك على التوقف عن شراء الملابس التي تضر بالبيئة مستقبلاًرغم أن الطلب المباشر للشركة هو عدم الشراء إلا أن إحصائيات ما بعد الحملة سجلت إرتفاع في المبيعات بنحو 30% لتصل إلى 543 مليون دولار .
طيب أنا كعلامة تجارية بالسوق وش راح استفيد من التسويق العكسي ؟
راح أكوّن علاقات مميزة مع العملاء واخلي علامتي التجارية مميزة وعلى البال دايم ، وبعطي الشخص حق الاختيار بدال الضغط عليه 😎
وكأن مفهومه ينص على: العميل أولًا والربح ثانيًا🥇
والجدير بالذكر أن التسويق بهذه الطريقة الغير تقليدية خلا الأشخاص يشترون أكثر 💰
مثلًا في أحد مسرحيات عادل إمام 🎪
في حوار عادي كان يسب عصير في (آخر نفق العباسية )يبيع قصب السكر🥤 وكان عادل إمام يقول أن المحل سيء ومو نظيف ❌
بس ايش الصدمة !!
أنه بعد المسرحية زاد عدد الزبائن بشكل كبير لدرجة يجون من أماكن بعيدة بس عشان يجربون العصير وقبل المسرحية كان محل العصير خسران وبيقفل محله في هذا الموقف أثبت لنا أهمية ودور التسويق العكسي 👌🏻.
وش رايكم في التسويق العكسي ؟
هل ممكن تستخدمونه في الإعلان عن منتجات و خدمات شركتك ؟
كُتب بواسطة : نوره العثمان - حنان الشاوي - ناديه بن داود