عجايب الدنيا سبعة 🌎 !
عدد أيام الأسبوع سبعة !
حتى البِحار، عددها سبعة 🌊
ولاعبين كُرة اليد عددهم سبعة 🤾🏽
مو بس كذا .. حتى التسويق يدخل فيه سبعة 😨
كثير مننا يتّفق إن التسويق هدفه إشباع حاجات ورغبات العملاء، لأنه ببساطة السبب الكامن وراء عمليات الشراء
والتمسك بكل استراتجية تسويقية وفهمها هي طريقة مُثلى للفوز برضا عميلك ..
والسؤال هنا؛ كيف ترضي عميلك ؟ تعال نجاوبك ✅
السالفة ومافيها إن عندنا مفهوم: المزيج التسويقي ⭐️
واللي هو مجموعة أدوات يستخدمها المسوّقون والشركات عشان تحقق أهدافهم التسويقيّة.
بتقولون لنا ايش دخل رقم سبعة بالسالفة ؟
وصلنا خير!
واحنا بنقولكم إنّ المزيج التسويقي مُكوَّن من سبع عناصر7️⃣
Marketing Mix 7P's
وبنوضحها لكم بالتفصيل ..
بدايةً عندنا المنتج (Product) 📦
المنتج هو الأساس والبطل في كل قصة تسويقية 🦸🏻♀️
التسويق ما ينوجد أصلًا بدون المنتج !
مثلًا عندنا فكرة إبداعية للترويج لمجلّة سياحيّة، ما كنا رح نقدر ننفذها بدون مايتم إطلاق المجلّة و تتوضّح تفاصيلها!
و على كذا ضروري يكون عندك علم بكل صغيرة وكبيرة عن المنتج عشان تقدر تحقق هدفك التسويقي وينتشر بسهولة
نجي بعدها للسعر (Price) 💲
يعتبر عنصر ضروري في العملية التسويقية، جدًا مهم نختار سعر يتناسب مع المنتج اللي تكلمنا عنه فوق، فـ وضع السعر المناسب للمنتج يزيد من قيمة المبيعات والأرباح
وبمعنى أصحّ، سعر المنتج يعتمد على القيمة الحقيقية للمنتج + الفئة المستهدفة وعوامل ثانية مثل توقعات العملاء
يعني منتجك بكل مكان بالسوق؟ العميل بيتوقع سعره نفس السوق أو اقل مثل صاحب المقهى الي يختار فئة المستهدفة الموظّفين و الطُلّاب اللي مايستغنون عن قهوتهم، ويختار أسعار تناسب الاستهلاك اليومي .ومتماشية مع سوق القهاوي اليوميّة
وبعدهم المكان (Place)📍
الموقع الجغرافي يلعب دور مهم في العملية التسويقية
ولنا بموسم الرياض خير مثال، ما نقدر ننكر إن العاصمة الرياض صارت واجهة مثالية وتسويقية للترفيه في المملكة!
بسبب مكانها الاستراتيجي اللي أتاح الفُرصة لأكبر عدد من سُكّان المملكة لزيارة الفعاليات والاستمتاع فيها.
ولو صاحب المقهى -اللي قهوتة يوميّة للطلاب و الموظّفين- اختار فروعة بجانب جامعات و مكاتب عمل، رح يجونه فئتة المستهدفة بشكل أكبر!
وفي عالم التسويق لابد من الترويج (Promotion) 📣
ونقصد فيه؛ استخدام وسائل مختلفة للتسويق بهدف لفت انتباه الجمهور
أكيد أنك تذكرت أحد البراندات الي تطلع إعلاناتهم بكل مكان .. في لوحات الشوارع و منصّات التواصل الاجتماعي وحتى في الراديو وكل إعلان كان متناسب مع الوسيلة مما قوّى صورة البراند لدى جمهوره.
طيب تذكرون الضجة اللي صارت لحظة قدوم كرستيانو ونيمار للأندية السعودية الرياضيّة؟
ايه هذي الاستراتيجية الي خلتنا محط أنظار العالم! 🌎
وبعدها عندنا العمليات (Process) 🪜
ما في تسويق يصير بخطوة وحدة، كل خطوة نتمِّمها بتنقلنا للهدف اللي بعده، وبنهاية الخُطى راح نوصل لوجهتنا المُستهدفة !
مثل ما يقولون، الحياة step by step
العمليات هي كل الحركات اللي تصنع فيها المنتج أو تقدم الخدمة، وتكون بشكل فعال وترضي الزباين.
تذكرون قصة عطور لافيرن، الي انتشرت زي البرق، وانبهرنا بالوجوه الإعلانية الخاصة فيهم؟
ومو بس كذا، حتى لما تطلب من عندهم، يجيبون لك عطر صغير للتجربة وسرعة توصيلهم الخيالية للمنتج!
عشان كذا تعتبر لافيرن مثال حي على عمليّة تقديم المنتج بشكل مثير وبسيط.
أما الحين؛ صار وقت التواجد المادي (physical evidence) 🗺️
استكمالًا وتنفيذًا للي خططنا له في كل العناصر السابقة، تواجدك المادّي هو حضورك الملموس في المكان اللي يبيع المنتج أو يقدم الخدمة
مثل فروع بنك الراجحي الموجودة في كل حي، ومكاتبهم المتوزعة في كل مكان، يسهلون عليك تتواصل معهم، وصاروا حاضرين لك وين ما رحت
وأخيرًا الموظفين (people)🧍♂️🧍♀️
تحسبون نقدر نتجاهل الأبطال الحقيقيين؟ الموظفين
دايم هم الي يشيلون العلامة التجارية على أكتافهم، وهم الواجهة اللي تتفاعل مع المستهلكين والعملاء مباشرةً، يعني نقدر نسميهم سفراء للتسويق.
كلنا شفنا الترند الي اشتهر حديثًا لمقهى Gra في البحرين، لما الموظف يوصّل الطلابات لسيارات العملاء بشكل عفوي وونيس ! وصاروا كل الناس يجون هذا الكوفي بس عشان يصورونة، وهذا اكبر مثال على ان الموظفين هم رجل التسويق الاول.
في عالم التسويق نخوض الكثير من المغامرات والتجارب الاستثنائيّة! وأكيد ما تقتصر الإثارة على الكلمات بس.. ينبغي نعبّر عنها بإطلاق تجاربنا إلى العلن، واللي يساعدنا في بنائها وإطلاقها هو المزيج التسويقي
فن يعطيك تأثير ما تنساه بسهولة 🌟🚀
كُتب بواسطة : أريام المطيري و أميرة العتيبي